Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab
Txhua zaug uas txog lub sijhawm ua kev nco txog txiv hnub, peb nco txog tej lub sijhawm uas nco txiv txiaj ntsig, txoj kev hlub pub rau tus uas tau yug peb los. txiv txoj kev hlub ua rau peb nco txog Vajtswv uas yog Leej Txiv saum ntuj txoj kev hlub tau tseg rau peb. Vajtswv hlub tib neeg ntiajteb mus txog qib uas txib Nws tib leeg tub los rau hauv ntiajteb tuag thiab them peb tej kev txhaum rau peb. Yeej tsis muaj ib yam dabtsi yuav nthuav tawm tau Leej Txiv txoj kev hlub loj uas tseg rau peb no li.
Hnub no, yog hnub 17/06/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Tara Jackson dhau ntawm Zaj kawm LEEJ TXIV / TXOJ KEV HLUB
“Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis”. (Yauhas 3:16).
Kuv txiv nws yeej ib txwm txaus siab heev vim nws yog ib tug tub rog zov hiav txwv so laus. Txiv pheej tham rau kuv mloog txog lub sijhawm uas txiv ua haujlwm nyob rau hauv tshav rog. Tomqab txiv los so laus, txiv yeej tseem tuav lub sijhawm khiav taug kev txhua taig kis sawv ntxov ib yam li thaum tseem nyob rau hauv tshav rog. Thaum uas tseem yog ib tug menyuam yaus xwb, kuv yeej sawv ntxov rau khau thiab nrog txiv khiav txhua taig kis. Nyob rau ntawm kuv, tau nrog txiv khiav txhua txoj kev hauv zos yog kuv lub sijhawm uas zoo tshaj plaws.
Thaum tseem yau, txiv mus ua haujlwm deb, kuv yeej xav kom tau nrog txiv khiav ua ke txhua taig kis sawv ntxov. Thaum kuv kawm tswj kuv tus kheej sab nqaij tawv ces kuv kuj pib tswj sab ntsujplig. Dhau los ntawm qhov uas pheej nrog txiv khiav ua ke, kuv kawm tau txoj kev ua siab ntev kom tuav rawv lub sijhawm khiav txhua taig kis txhua hnub.
Kuv txiv qhia kuv ntau zaj kawm nyob rau hauv Vajluskub thaum wb khiav taug kev. Txhua zaug uas txog lub sijhawm ua kev nco txog txiv hnub, kuv nco txog ntau zaj kawm uas txiv tau qhia. Yog tej yam uas txiv tau qhia ua rau kuv paub txog Leej Txiv saum ntuj yog tus uas hlub kuv tsis yuav ib yam dabtsi.
Thaum ntawd, nyob ze kuv tsev muaj ib lub tsev tseg rau cov menyuam ntsuag tau nyob thiab tej menyuam yaus. Kuv txiv pom lawv zais yeeb ntau heev nyob rau hauv lawv lub tsev. Cov menyuam uas tsis muaj txiv txoj kev hlub no lawv pheej sib ntaus. Kuv txiv tau Vajtswv tshoov siab yog li yawg thiaj tseg txhua lub sijhawm khoom los pab cov menyuam uas tsis muaj neeg hlub no. txawm yog nyob hauv tuam tsev lossis sab nraum tshav puam, lossis tom tej chaw muag khoom hu nkauj txiv yeej coj lawv nrog txiv ua ke zoo li txiv tus menyuam.
Txhua hnub so, kuv txiv nias tsheb nrov heev kom peb sawv daws yuav tau maj nroos mus rau tom tsheb yuav mus pehawm Vajtswv. Nyob rau ntawm txiv, qhov uas mus rau hauv tuam tsev yog lub sijhawm thaum twg twb yuav tau muab tso ua ntej. Txiv pheej qhia rau peb tias yog tias peb mus ua haujlwm, mus kawm ntawv, lossis mus ua plaub hau kuj yuav tsum tau mus kom yog sijhawm tshuav lub sijhawm uas mus tshwm ntsej muag rau ntawm Vajtswv yeem tseem ceeb kom yog sijhawm dua.
Tag nrho tej uas txiv qhia yog pab kom peb pom tias hom phiaj ntawm peb lub neej yog ua rau kom Vajtswv tau koob meej thiab txais yuav tej yam uas zoo kawg nkaus Vajtswv muab pub rau peb. Yog li, txiv thaij siv sijhawm nrog tsev neeg. yawg thiaj tsa tag nrho tsev neeg sawv rau thaum txhua taig kis hnub xya, ua si ua ke. Tej daim duab zoo nco txog txiv yeej nyob rawv hauv kuv lub hlwb thiab kuv lub siab.
Kuv ua Vajtswv tsaug tau pub rau kuv muaj ib leej txiv zoo kawg nkaus. Txiv yog tus ua rau kuv paub txog qhov haujlwm tseem ceeb ntawm ib leej txiv hauv txoj kev tu tej menyuam. Txiv yog tus tiv thaiv, tus pub rau noj, tus tu kom loj hlob, tus cob qhia thiab qhia Vajtswv txojlus rau tej menyuam kom lawv ntseeg Vajtswv thiaj yuav txais tau txojsia ib txhis. Txawm yog muaj ntau zaug qee leej txiv tsis tau yog leej txiv uas zoo kawg nkaus los lawv yeej yog tus uas txaus siab hlo ua txhua yam vim hlub tej menyuam. Yog tias txiv twb tau hlub thiab muab pub rau peb ntau yam npaum li ntawd ces Vajtswv txoj kev hlub uas yog Leej Txiv saum ntuj tseem zoo tshaj ntau npaug.
Vajtswv txojlus nyob rau hauv Mathais 7:11 sau tias: “Txawm yog nej yog neeg txhaum los nej tseem paub muab yam uas zoo rau nej tej menyuam. Yog li ntawd, nej Leej Txiv tus uas nyob saum ntuj ceebtsheej, nws yimhuab yuav muab tej uas zoo dua tej ntawd rau txhua tus uas thov nws thiab!”
Cia li xav txog tej koob hmoov uas Vajtswv tau muab pub rau peb. Vajtswv tau tsim tib neeg los nrog rau ib puas tsav yam. Vajtswv pub rau peb muaj lub ntiajteb zoo nkauj no kom peb ntsia pom thaum hnub poob. Tau noj tej zaub qab thiab tau sib ntsib sib txuas lus ua ke nrog rau sawv daws. Tiamsis yam uas zoo tshaj plaws dua thiab yog Vajtswv pub Vajtswv tib leeg tub rau peb.
Vajtswv txojlus nyob rau hauv Yauhas tshooj 3:16 sau tias: “Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis”.
Tsis yog Vajtswv tsuas pub Nws tib leeg tub rau peb xwb tiamsis tseem foom ntau txoj koob hmoov rau peb lub neej thiab. Los ntawm txoj kev ntseeg nyob rau hauv Tswv Yexus Khetos, peb tsis yog tsuas tau txais lub neej puv ntoob, txojsia ib txhis xwb tiamsis tseem tau ua neej nyob rau hauv txoj kev sib raug zoo ua ke nrog Vaj Leej Txiv “Anpas” yog txiv (Loos 8:15). Cia siab tias tej hnub dhau los ntawd, peb yuav siv peb lub qhov ncauj los ua tsaug, los qhuas Vajtswv txoj kev hlub loj uas Vajtswv tau muab pub rau peb (1 Yauhas 3:1).
Thov caw nrog kuv peb thov Vajtswv ua ke
Leej Txiv, ua Koj tsaug vim cov neeg uas txiv koj tau tseg tag nrho Koj txoj kev hlub los tu thiab cob qhia kom peb dhau los ua neeg hwm Vajtswv. Thov Vajtswv koj ntxiv zog rau peb thiab tuav peb cov txiv nyob rau hauv koj tus duab ntxoov. Ua Vajtswv Koj tsaug, yog tus uas muaj kev hlub tsis xam tus dabtsi. Thov Vajtswv Koj siv kuv lub neej los nthuav tawm Vajtswv Koj txoj kev hlub thiab tej yam uas Vajtswv qhia rau txhua tus. Peb thov hauv Tswv Yexus Khetos lub npe. Amees. Cov kwv tij txhua tus, cia li xav txog koj txiv: tej zaug tus ntawd yog tus uas yug koj los, lossis yog leej txiv ntawm sab ntsujplig… cia li thov Vajtswv rau lawv, nthuav tawm lub siab nco lawv txiaj ntsig thiab hais rau lawv paub tias koj hlub lawv npaum cas. ua ntej txhua yam tseg sijhawm los txuas ua ke nrog Peb Leej Txiv, muaj lus ua Nws tsaug vim tag nrho peb puav leej zoo kawg nkaus nyob rau hauv koj lub neej.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!
Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj